Vest byrjar motspelet med kløver ti til esset. I neste stikk fylgjer ruter ti, som står, og ny ruter som aust stikk med esset, for å halde fram med kløver knekt til kongen i bordet. Det er partevling, så det er vesentleg å få fatt i så mange stikk som mogleg. Korleis planlegg du spelet vidare?
Ti stikk har du i boks; det ellevte og/eller tolvte kan koma i hjarter og/eller kløver. Du får naturlegvis elleve enkle stikk ved å spela hjarter ess og hjarter mot dama, men då kan du aldri få tolv stikk. Du har slik sett ikkje noko å tapa på å ta hjarterfinessen.
Hjarter dame står. Kva blir ditt neste trekk? Eit heitt tips: Du har så mange stikk i boks og så store ressursar at det er på tide å tenkje på ein mogleg skvis.
Heile spelet såg slik ut:
Det var godt av aust å ikkje dekkje hjarter dame (eg hadde ikkje venta anna av den rutinerte Trond Are Nitter). Men Græsli hadde ein medisin mot dette: Han rekna med at ei eventuell kløverlengd fanst i vest, og skal då ein skvis fungere, må hjarterhaldet overførast dit. Difor drog han hjarter knekt.
Denne måtte Nitter dekkje, men sidan vest tilfeldigvis hadde utstyrt seg med både tiaren og niaren i hjarter, var han no ferdig då stikka i spar og ruter fylgde. Hjarter åtte i sør vart av avgjerande tyding.
Tolv stikk gav ein pen partevlingsscore til Bård Kåre Græsli, som saman med bror sin forresten var med på å vinne si pulje i 2. divisjon i vinter. Brørne Græsli blir altså å sjå i eliteserien komande sesong.
Av Erlend Skjetne