Det var då også jamt inntil rundt ein fjerdedel av dei 32 finalespela stod att, men så drog amerikanarane – no med sponsoren på benken – ifrå, og vann til slutt 111–69.
Denne vekas spel er frå rundt midtvegs i kampen, og her var det Zachary Grossack som sikra amerikarane ein sving inn.
Kva gjer du? Motparten har altså meldt slem utan nemneverdig kontroll. Ein av dei kan vera renons i hjarter, i så fall kan 6 ruter fint stå. Men er ingen av dei renons i hjarter, ser du veldig fort på beita. Alternativa er altså: 1) Pass, med ein viss sjanse for at makker stampar. 2) Doblar, som vel gjerne åtvarar makker mot å stampe, og av og til vil gje dobla beit inn. 3) 6 hjarter som ei såkalla billeg forsikring – du er i gunstig sone, men du forventar nokre beiter i 6 hjarter, så det blir sjølvsagt dyrt nok om 6 ruter var beit.
Grossack melde 6 hjarter. Det skulle syne seg å bli ein innertiar av dei sjeldne.
Vest tok eit sparstikk, men meir greidde ikkje forsvaret å få! Eg trur nok ikkje Grossack hadde førestilt seg å notere 1210 inn då han melde 6 hjarter.
Eg synest ikkje amerikanarane på det andre bordet imponerte på dette spelet, då Vincent Demuy i vest opna med 3 spar – ei nokså spesiell melding. No gjekk det to passar til sør, som melde 4 hjarter og fekk spela der. Som vi ser står det 5 ruter aust–vest med mindre sør greier å underspela hjarter ess i utspel, men 480 nord–sør gav likevel 12 IMP til lag Schnelwar på vegen mot tevlingssiger.
Av Erlend Skjetne