Riktig slem?

Det er ikkje vanskeleg å klaske i veg til ein slem, men det er ikkje alltid lett å vita kva for slem ein skal velja. Vekas spel, frå ein sumarbridge i Trondheim, baud på ei god vurdering av Karl Morten Lunna. Du kan få meldeprøva i nord.    E 10 7 4 E K 8 6 E K D 8 5   Makkeren din opnar i fyrste hand med 1 hjarter, og du melder naturleg 2 kløver. Makker melder 2 grand, 12–14 balanserte, og i BIN standard er 3 hjarter no ei normal melding, som krav og sleminvitt. Sør kontrollmelder 3 spar, altså har han nok spar konge. Med kontroll i alle sidefargar kan du like gjerne melde Blackwood. Du får 5 hjarter, to ess utan trumf dame. Kva no? Med ein steleverdi er det lett å tenkje at 6 hjarter er det naturlege, men ein bør prøve å telja stikk. Det er altså minst to toppstikk i høvesvis ruter og spar. Så har ein tri toppstikk i kløver, og er oppe i sju. Går hjarteren, er ein straks på tolv. Går han ikkje, gjeld jo dette både i hjarter og grand. Det kan sjølvsagt, på ein dårleg dag, vera slik at det er tretten stikk i hjarter på grunn av ei sparsteling i bordet, og berre tolv i grand. Men sør har fort noko meir enn spar konge og ess, konge og eventuelt knekt i hjarter. Dessutan er det ein sjanse for at kløveren rullar, jamvel mot to småe i sør. Dimed kan det faktisk vera slik at 6 grand står medan 6 hjarter er beit, om hjarteren sit skeivt. Slik tenkte Karl Morten, og melde 6 grand. Det vart veldig riktig denne gongen.      E 10 7 4 E K 8 6 E K D 8 5   kn 4 3 kn 9 3 kn 10 7 4 2 10 6 D 10 9 8 6 5 2 D 5 9 7 4 3   K 7 E K 8 6 2 D 5 3 kn 9 2     Vest Nord Øst Syd Nyheim Lunna Hauan Skjetne 1 hj pass 2 kl pass 2 gr pass 3 hj pass 3 sp1) pass 4 gr pass 5 hj2) pass 6 gr pass pass pass 1) Kontrollmelding 2) To ess utan trumf dame Aktuelt var tolv stikk grensa i hjarter, men du ser vel kva som skjer med vest i 6 grand? Dei svarte stikka skvisar henne ubønhøyrleg i dei raude fargane, og tretten stikk kan bokførast. Aktuelt gav 1020 ren topp, men du ser kanskje òg kva kontrakt som er endå betre nord–sør? 7 kløver er nedlegg ved å kaste ein hjarter på spar konge, stela god hjarteren og seinare hente han til ruteravkast. Men eg veit verkeleg ikkje korleis storeslem i kløver skal kunne meldast i eit naturleg system; hjartertilpassinga er liksom litt i vegen. Kanskje du og makkeren din sit på løysinga? Av Erlend Skjetne