Samarbeidets edle kunst

Publisert den 5. februar 2022
av Administrator

I dag byrjar vi med ei meldeprøve, som skriv seg frå ein privat lagkamp nyleg.

kn 5 4

K 10 4 2

E K 8 7 3

Du har denne vifta i aust, med alle i sona, og høyrer makkeren din opna i fyrste hand med 3 ruter. Nord melder inn 4 ruter, båe major. Kva gjer du?

Refleksen er å støtte makkers ruter, der vi jo fort kan ha ein haug med stikk om makker er kort i spar. 5 ruter er kanskje nok; det kan stå eller vi kan gå nokre fåe beiter mot motpartens majorutgang. 6 ruter kan òg ha noko for seg, for det er endå vanskelegare for fienden å ta rett avgjerd på 6-steget. Det kan hende at dei går glipp av ein slem som står, eller at dei melder ein slem som er kistebeit. Det kan òg hende at 6 ruter er ein god stamp mot 5 i major – eller det kan hende at motparten ikkje har all verda i korta, sidan du trass alt rår over ess, konge i kløver.

Same kva du melder, er det relativt stor sjanse for at sør kjem til å melde ein major. Då vil makkeren din få utspelet, og du kan risikere at kløverstikka dine forsvinn som dogg for sola. Kva kan du gjera for å hindre at dette skjer?

Skal du melde på 5-steget, bør du melde 5 kløver, og skal du melde på 6-steget, bør du melde 6 kløver. Du må hjelpe den stakkars makkeren din! Slik såg heile spelet ut, med dei to ulike meldingsforlaupa på dei to borda i lagkampen.

E K D 9 8 2

E D 9 4 3

10 5

8 7 6

E kn 9 8 7 5 3

D 9

kn 5 4

K 10 4 2

E K 8 7 3

10 7 3

K kn 10 2

D 6

kn 6 4 2

Vest

Nord

Øst

Syd

pass (!)

1 sp

pass

2 sp

pass (!)

4 ru

pass

4 sp

pass

Vest

Nord

Øst

Syd

3 ru

4 ru

5 ru

5 hj

pass

6 hj

pass

På det eine bordet «gløymde» vest altså å opna i 3 ruter, og heller ikkje etterpå greidde forsvaret å melde seg på – nokså bleikt. Nord trudde han måtte få eit godt spel her, for det vart jo tydeleg at det stod elleve stikk i ruter hjå motparten, og aust–vest hadde alltid to kløverstikk å ta mot sparkontrakt, jamvel utan kløverutspel.

Men det same galdt jo ikkje mot hjarterkontrakt. Aust på det andre bordet var ikkje interessert i å rettleia makker, så mot 6 hjarter kom det ruter ut. Dimed forsvann tre av sørs kløver på spar, og slemmen var heime.

Det vart i ettertid diskutert om aust burde ha dobla 6 hjarter. Ja, kanskje, for det bed om eit spesielt utspel, og i dette tilfellet er det nok mykje større fare for at eventuelle kløverstikk kan forsvinne i motspelet, enn for at eventuelle sparstikk kan gjera det. På ein måte hadde jo aust maksimert vinstpotensialet, for om han i staden melder 5 eller 6 kløver direkte, kjem nok ikkje motparten i slem. Men når han ikkje gidda korkje å melde kløver eller doble slemmen, då var katastrofen eit faktum.

Av Erlend Skjetne